الناموسات والمومسات...

أول مرة سمعت بالفيروس هذا لما كنت أقيم في الولايات المتحدة سنة 2000 وبالتحديد في فلوريدا أين يكثر البعوض ... وقتها ماتوا مجموعة من كبار السن العجائز الكنديين الذين يقضون الشتاء في منازل لهم في فلوريدا بعيدا عن قساوة ا

لطقس في كندا... وقتها أعلن والي فلوريدا الكاوبوي جب بوش شقيق جورج بوش الإبن حالة الطوارئ القصوى والحرب على مستنقعات أورلاندو... 

لم يتم اكتشاف الفيروس أنذاك إلا بشق الأنفس لأنه كان جديد عليهم... ومركز الأوبئة في أطلانتا قام بدور جبار واستعان بخبرات كينية وسودانية لتكوين الأطباء في كيفية التعامل مع الفيروس...

البارحة مسيكنة الوشواسة،،، حتى هي تسيست... ومعاها فيروس غرب النيل...
قالفنانة والمثلة القديرة سوسن المعالج في التونسية حنت لوقت بن علي وقالتلكم ياناري على تونس متاع توا...
وين أيام زمان وقت كنا لا باس وما عنداش هذه الأمراض الجديدة علينا (أيام كان وزير الصحة سي منذر الزنايدي يلعب ويرتع في أمها ... أم الوزارة موش حاجة أخرى) ...

أضافت : أوه علينا عندنا 60 حالة إصابة بفيروس غرب النيل ... ووليدات صغار يعانيو... عندها حق ... تلقاها في قرارة نفسها تقول: ملا ثورة هذه اللي جابتلنا حكومة الترويكا وجابتلنا الأمراض معاها والوشواشة والزبل والوسخ والمستنقعات "بارتو"...

الوزير يقللها: راهو المرض ظهر في تونس سنة 1997،، أي في وقت زعبع...
والوزير يقللها : راهو في أمريكا سجلوا 5000 حالة ،
والوزير يقللها : حتى في أوروبا تم تسجيل آلاف الحالات ووالعشرات من الوفايات...
والوزير يزيد يقول: راهم فقط 60 حالة في تونس ،،، ماتو 9 من كبار السن فوق 70 عام...

وانا نتأمل في عجب ربي .... وأنا أعـــيــــط...
وهي تصر على القول ... "يا ناري على تونس اليوم" وعينها دمعت ويزيد خونا علاء في الدراما فهي تتحي وهو يزكي...

في في آخر البرنامج رمات القنبلة بامتياز...

قالت "المومسات ساهموا في إستقلال تونس"

فتخيلت كيف أن المموسات جابو الإستقلال وأن الوشواشة هي التي ستسقط حكومة الترويكا...
فأجهشت بالبكاء...
ودخلت لأنام...

وربي يحسن العاقبة
إسكندر