الصندوق وما أدراك ما الصندوق...

ما ورث "دليلك ملك" كان "الصندوق"...

بعد ما دخل سامي الفهري للحبس، تجرأت قناة نسمة وأطلقت برنامجها السخيف "الصندوق"...
الآن عرفت من حط في مخ التوانسة أن الثروة حظ وليست عمل ...
حظ تجده في صندوق تفتحه أو ورقة بروموسبور تشريها... أو أس أم أس تبعثوا...

متى تنتهي مهازل تزيين القمار وتسمية المسميات بغير أسماءها، ... هذا هو اللي فلس الفقراء والمحرومين في بلادي وخلاهم 

يجريوا وراء السراب... سراب الثروة الساهلة والخبزة الباردة...

الإمبريالية التي تمص في دماء الفقراء وكل المغررين بهم في بلادي من الزواولة والمحرومين، وتبيع في الأوهام للشعب الساذج والبسيط راهي موجودة في برامج من أمثال برنامج "الصندوق"...

كل حلقة من الحلقات يزداد ولد بوه لحنين "القروي" غنى فاحشا ويزداد الغلابة فقرا... الـ أس أم أس بدينار ،،، ينقصوا الزوالي من ميزانية الحليب باش يلعب لعبة الصندوق... آلاف مؤلفة تبعث في الرسائل النصية القصيرة ... فقط واحد بربح...

فيقوا يا شعب... راهي الثروة عمل وجد واجتهاد... موش خبزة باردة بجيبهالك الصندوق
وربي يحسن العاقبة
إسكندر