روح الثورة

روح الثورة تتضرب كل يوم...

أمس تضربت في الكاف في العنف اللي صار بين جمهور أولمبيك الكاف وجمهور الإفريقي... وخرج لاعب متميز شاب مضروب في رأسه بالحجر ونتمى له الشفاء العاجل...

يوم 17 ديسمبر تضربت روح الثورة في مهد الثورة سيدي بوزيد لما رئيس الجمهورية ورئيس المجلس التاسيسي تم قذفهم بالحجارة والطماطم ...

روح الثورة تضربت في سليانة وقابس وفي تطاوين والمتلوي (أيام العروشية الله لاتعاودها) ...

ومازالت باش تتضرب...

نداء تونس ليس الممثل الشرعي والوحيد لروح الثورة حتى أنه لما يتضرب نداء تونس نقولو تضربت روح الثورة...

هذه ضريبة الإنتقال الديمقراطي وفاتورة القطع مع المنظومة البائدة...
لازم باش ندفعوها...
ولازم باش نخففوا من وقعها بالحكمة والتعقل...

هل نستطيع القضاء على العنف في فترة الإنتقال الديمقراطي؟؟؟
عنف التهريب والجريمة المنظمة ...
عنف الملاعب والرياضة التي يجب أن تكون أخلاق أو لا تكون...
عنف ضد الأمن الذي نريده جمهوريا...
عنف باية حال عدت يا عنف.. وستظل تشرق علينا كلما اقتربنا من الموعد الإنتخابي الجاي...
إنه العنف الآتي بسبب ضعف كل ركائز النظام ،، وضعف النظام سببه المخاض الإنتقالي...

وربي يحسن العاقبة وتولد ديمقراطية جميلة وبهية الطلعة كابنتي أنس التي صار عمرها اليوم 50 يوما...

من أجل أنس ومثيلاتها من جيل المستقبل سنعمل معا لبناء تونس الجميلة ،، تونس الحضارة... تونس الديمقراطية...
أسكندر

2